Original Articles Urdu Articles

لاہور کی معروف بادشاہی مسجد میں افطار کے موقعہ پر مذھبی ہم آھنگی اور شیعہ -سنی اخوت کا شاندار مظاہرہ – عرفان قادری

31 32 33 34

 

رمضان المبارک کے مہینے میں لاہور کی معروف بادشاہی مسجد میں افطار کے موقعہ پر مذھبی ہم آھنگی اور شیعہ -سنی اخوت کا شاندار مظاہرہ دیکھنے کو مل رہا ہے ، شیعہ اور سنی شہریوں نے اپنے طور پر بادشاہی مسجد میں مشترکہ افطار کرنے اور پھر اکٹھے ملکر نماز مغرب ادا کرنے کا اہتمام کیا ہے اور اس مشترکہ افطار و صلات نے شہریوں کے اندر مذھبی ہم آھنگی کو فروغ دینے اور پاکستان کے اندر فرقہ وارانہ شعیہ -سنی منافرت پھیلانے والے عناصر کی حوصلہ شکنی کی ہے ، اس طرح کے شیعہ – سنی یک جہتی کے مظاہرے پاکستان کے اندر تکفیریت ، خارجیت ، مذھبی انتہا پسندی اور مذھبی بنیادوں پر تشدد کو ابھارنے والے عناصر کی حوصلہ شکنی کا سبب بنے گی ، بادشاہی مسجد میں یہ روح پرور مظاہرہ ایک مثال ہے اور اس مثال کو دیگر علاقوں کی مساجد میں بھی دوھرایا جانا چاہئیے

11738006_10205959816769050_5717026524366088900_n

جبکہ عید الفطر کی نماز کے موقعہ پر بھی شیعہ اور سنی مسلمانوں کو ملکر مشترکہ نماز عید ادا کرکے فرقہ پرست تکفیری ، خارجی قوتوں کے عزائم کو ناکام بنانے کی کوشش کرنی چاہئیے اور جو قوتیں پاکستان میں تکفیری خارجی جارحیت اور دہشت گردی کو شیعہ -سنی لڑائی بناکر دکھاتی ہیں ان کے خلاف بھی یہ فیصلہ ہے کہ پاکستان کے پرامن شیعہ و سنی مسلمان عوام نے ان کی غلط اور کمرشل تشخیص جوکہ تکفیریوں کو بچانے کے لئے ہے کو مسترد کردیا ہے ، کمرشل لبرل مافیا اور ان کے نام نہاد امن کے پیامبر جعلی اہلسنت والجماعت کالعدم سپاہ صحابہ ، لشکر جھنگوی ، داعش و القائدہ دیکھ لیں کہ عوام کا کیا فیصلہ ہے کہ وہ تکفیریوں کی شیعہ مخالف ، شیعہ نسل کش ، صوفی سنی نسل کش ایجنڈے کو مسترد کرتے ہیں