Original Articles Urdu Articles

یہ نصف صدی کا قصہ ہے ، دو چار برس کی بات نہیں – فہمیدہ ریاض

altaf-hate-speech

الطاف حسین صاحب

بہت غصہ آرہا ہے آپ کو ؟ بہت گھٹیا واہیات گھسا پٹا الزام را کا ایجنٹ ہونے کا ، پھر لگا دیا گیا ۔۔۔۔ مگر اس میں نئ بات کیا ہے ۔۔یہ تو باری باری سب پر ہی لگایا گیا ہے۔پختون بلوچ سندھی ، باری باری یہ سب سنتے رہے ہیں ۔۔پنجابیوں پر ابھی تک من حیث القوم تو نہیں لیکن ان کے پڑھے لکھے لوگوں پر تو عام رہا ہے ۔۔فیض فیض صاحب ، طارق علی کے والد مظہر علی خان ، پوری نیشنل عوامی پارٹی، ایک دور میں تو پوری پاکستان پیپلز پارٹی ۔۔۔اس کا نام تک لینا جرم تھا ۔بھٹو صاحب کے دونوں بیٹے ، بے نظیر ۔۔۔۔کس کو نہیں کہا گیا انڈیا کا ایجنٹ ۔۔یہاں سب ایک کشتی میں سوار ہیں ۔۔تو اس کو ساتھ ہی کھیتے ہیں اور نکلتے ہیں ۔۔ان لغویات کو ایک کان سے سن کر دوسرے کان سے نکال دینا چاہیئے

اور یہ مہاجر صوبے کی کیوں بات کر رہے ہیں ؟ خواہ مخواہ ؟ مہاجروں کی طرف سے تو ایسی کوی ڈیمانڈ نہیں تھی ۔۔۔کیا تکلیف ہے مہاجروں کو سندھ میں ؟ بے روزگاری ہے ۔۔۔تعلیمی اداروں میں داخلہ نہیں مل رہا ؟ تو سندھیوں میں تو اس سے ذیادہ بے روزگاری ہے ۔۔سڑکیں بھی نہیں ہسپتال بھی نہیں ۔سب کے لیئے یہ سہولتیں پیدا ہونی چاہیئں۔

پاکستان کس نے بنایا تھا اور کس نے نہیں بنایا تھا ۔۔اس نصف صدی پرانے قصے میں کیا رکھا ہے ؟ اس بنیاد پر کوی کنسیشن دوسرے آپ کو نہیں دیں گے ۔۔وہ اپنے حصے کی روٹی اور اپنے حصے کا پانی چاہتے ہیں ۔۔آپ کا پیپلز پارٹی سے الاینس اس ملک کی تاریخ کی اچھی باتوں میں سے ایک تھی ۔ سندھی اور مہاجر عوام ایک دوسرے پر اچھا اثر ڈال سکتے ہیں ۔دونوں پارٹیوں کے پرانے طور طریقوں میں اگر کوی بہت ہولناک غلطیاں تھیں ، جو بالکل حالات اور مینیپولیشن نے پیدا کیں ۔۔تو ان سے تو باہر شاید آہی سکین

یہ سارا چکر کیا ہے ۔۔۔ الزامات تو واقعی ڈرامائ انداز میں لگاے گئے ابھی تو سمجھ میں نہیں آرہا ۔۔۔لیکن بہترین طریقہ اس سے دامن بچا کر چلنا ہے ۔۔
نہیں ؟یہ خوفناک باتیں کرنا نہیں ۔۔دیکھیئے اقبال نے کیا کہا
گلشن کے ساتھ رابطہ استوار رکھ
پیوستہ رہ شجر سے امید بہار رکھ

مخلص
اردو کی ایک رایٹر
کنفرمڈ ایجنٹ آف را

About the author

Shahram Ali

96 Comments

Click here to post a comment